DÍA DE ROSALÍA NA BIBLIOTECA DE MUXÍA

Na Biblioteca de Muxía celebramos o Día de Rosalía poñendo a disposición das persoas usuarias un “Recuncho rosaliano” con lecturas de Rosalía ou sobre ela. Tamén temos exposta unha pequena mostra sobre a autora, coa biografía, retratos dela etc…

Rosalía está na nosa biblioteca. RosalíaTe!!!

E no seguinte enlace podes ler o magnífico manifesto de Ledicia Costas para o Día de Rosalía 2017.

Manifesto da AELG no Día de Rosalía de Castro 2017, texto de Ledicia Costas

OBRADOIROS DE KAMISHIBAI NA NOSA BIBLIOTECA

Este Nadal organizamos uns obradoiros de kamishibai na nosa biblioteca.

Kamishibai significa en xaponés ”  teatro de papel” . Esta forma de contacontos xurdiu en Xapón . O actor contacontos levaba unha bicicleta ou carro onde portaba o teatriño de madeira “butai” para colocar as láminas con debuxos sinxelos por un lado e texto por outro.

Esta forma de contar é recuperada agora como recurso didáctico e lúdico. Ten unha maxia que non deixa indiferente a ninguén e quixemos facelo na nosa biblioteca.

Onte , rematamos o obradoiro de Kamishibai, este teatro de papel de orixe xaponés e que é unha moi boa ferramenta didáctica para traballar coa estructura dos textos, a comprensión e interpretación dos mesmos, a representación gráfica…

O obradoiro estivo impartido por Viki Rivadulla, e logo de que os nenos e nenas participantes nas diferentes sesións , tiveran elaborado o seu conto en imaxes, fixeron unha posta en escea para as familias, narrando os contos apoiados nos propios debuxos.
Foron unhas sesións moi positivas, de traballo en grupo,  nas que os nenos e nenas , e tamén as familias, disfrutaron moito e esperamos repetir pronto.

Agora ven un tempo de vacacións para preparar contos e poder ir logo a biblioteca a poñelos en común con esta técnica do kamishibai. O teatriño quedará na biblioteca a disposición dos nenos /as para que poidan montar as súas propias sesións de contacontos

SAMAÍN NA BIBLIOTECA

cartaz da actividade

cartaz da actividade

Levabamos un tempiño sen escribir no noso blog, e non porque non houbera actividades, que houbo e moi boas – como o obradoiro de Anxo Fariña, os Contos do Mundo etc…- senón porque andamos liadas coa organización do espazo, catalogación…para ter unha biblioteca ben chula.

pero queremos hoxe falar do obradoiro de Samaín que fixemos o día 28 de outubro.

o obradoiro chamábase “Creando monstros” , porque deso se trataba, de deixar voar a imaxinación e crear os nosos monstros.

A asistencia bateu todos os records, con máis de corenta nenos e nenas!!! os rapaces pasarono moi ben debuxando, recortando, contando historias…

Ah, e ademais tivemos un rincón de lecturas de Samaín, con libros recomendados para levar en préstamo.

dsc_0090

CELEBRANDO O DÍA DA MULLER: FEMINISMO NA BIBLIOTECA DE MUXÍA.

DSC_0692 DSC_0694 DSC_0697

Este mes, na Biblioteca de Muxía celebramos o Día da Muller cun lugar destacado á entrada da mesma, para un conxunto de libros sobre feminismo.

Nesta sección podedes ver unha selección de ensaios, dicionarios, escritos políticos ou filosóficos …dedicados ao feminismo e dispostos dun xeito accesible e ben visible.

Ademais , para fomentar a consulta e lectura de obras  da nosa Biblioteca da Muller , ao final de mes, sortearemos un libro entre as persoas que collan libros prestados desta sección da Biblioteca Municipal (a Biblioteca da Muller).

E por último, conmemoramos tamén este mes de marzo dedicando a Galería Mulleres a Olympe de Gougues, unha das precursoras do moderno feminismo.

CARTEL DA GALERÍA MULLERES DO MES DE MARZO

CARTEL DA GALERÍA MULLERES DO MES DE MARZO

O MES DE ROSALÍA

CARTEL DA GALERÍA MULLERES DO MES DE FEBREIRO

CARTEL DA GALERÍA MULLERES DO MES DE FEBREIRO

Este mes a nosa Galería Mulleres volve estar adicada a Rosalía de Castro. Nesta ocasión utilizamos o cartaz da Galería para dar a coñecer as publicacións que recomendamos e que temos na nosa biblioteca a dispor dos usuarios/as.

Hai dende libros infantís sobre Rosalía ata ensaio, teatro, revistas … e a obra da propia autora.

Temos recollidas as recomendacións nun rincón rosaliano para que estean máis accesibles.

Non deixedes de pasar a ler.

o noso rincón rosaliano

o noso rincón rosaliano

DSC_0558 DSC_0559

OBRADOIRO “O NOSO ENTROIDO”

Onte tivemos na biblioteca municipal o obradoiro ” O noso Entroido”, para coñecer os costumes que se fan en Galicia con relación ao entroido, os xantares, as personaxes, os elementos do entroido galego etc…

Logo elaboramos máscaras de cigarróns ou peliqueiros. Pasámolo moi ben.

DSC_0553 DSC_0555

O obradoiro na prensa:

http://www.lavozdegalicia.es/noticia/carballo/muxia/2016/02/11/mascaras-entroido-muxia/0003_201602C11C11994.htm